қазақша                        русский

ЭЛЕКТРОНИКА БОЙЫНША ОҚУШЫЛАР ЖӘНЕ КОЛЛЕДЖ ОҚУШЫЛАРЫНЫҢ АЙМАҚТЫҚ ОЛИМПИАДАСЫ

Академик Е.А. Бөкетов атындағы Қарағанды университеті физика-техникалық факультетінің базасында радиофизика және электроника кафедрасы мектеп және колледж оқушылары арасында электроника бойынша аймақтық ашық олимпиадасын өткізеді.

Олимпиадаға қатысуға Қазақстан Республикасының жалпы білім беретін мектептер, лицей, гимназияларының 10-11 сынып оқушылары және колледж оқушылары шақырылады.

Олимпиаданы өткізу тілдері: қазақша және орысша.

Олимпиаданың өткізу форматы – онлайн.

Олимпиада екі шығармашылық кезеңін қамтиды. Іріктеудің бірінші кезеңі 2022 жылдың 6 сәуірден бастап 2022 жылдың 18 сәуіріне дейін online-тестілеу түрінде өткізіледі. Қатысушылар http://www.e.ksu.kz/ сайтына кіріп, «Электроника Олимпиадасы» жарлығын таңдап және нұсқау бойынша «Личный кабинет участника», яғни өзінің жеке кабинетін құру қажет. 1-кезеңнің нәтижесі тест аяқталған мезетте бірден көрсетіледі. Нөлден өзгеше нәтиже алған қатысушылардың арасынан әділқазылар алқасы шешімі бойынша 2-кезеңге нақты катысушылар таңдалып алынады. Қатысушының 2-кезеңге (соңғы) өту туралы ақпарат қатысушының жеке кабинетінде («Личный кабинет участника») және электрондық пошта арқылы 18.04.2022 ж. жарияланады.

2-кезең (соңғы) 2022 жылдың 22 сәуірде сағат 9.00-ден бастап Олимпиаданың өткізу бағдарламасы бойынша онлайн форматта өткізіледі. Олимпиаданың 2-кезеңі бір этаптан тұрады - теориялық тапсырманы орындау.

Ұйымдастыру комитеті мен әділқазылар алқасы мүшелері олимпиада тапсырмаларын 10 және 11-сынып оқушылары және колледж оқушылары үшін құрастырған.

Олимпиада 2 турына қатысушыларына қатысушы сертификаты, жетекшілеріне алғыс хат тапсырылады. Олимпиадада жүлделі орындарды иеленген жеңімпаздар дипломымен, қатысушының сертификатымен марапатталады.

Ұйымдастыру комитетінің мекен-жайы:

Қарағанды қаласы, Университет көшесі 28, 2-ші корпус, 526 аудитория , +77055885942 ( w / a ), @ phystech _ buketov _ university .